外籍男收工見人就爆粗　1句DXLM激嬲全大廈　真相戥佢慘：冇陰公

難道外籍男想「撩交打」？facebook專頁「辦公室日報」近日分享讀者投稿，有打工仔指最近有名新入職的外籍男子到他工作的大廈上班，每次下班遇到時，外籍男逢人都會說粗口「X你老X」，他既感錯愕又生氣。其後有次遇到外籍男與香港同事一起下班，外籍男又再說粗口，此時香港同事立即代為解釋，「唔好意思，佢講笑咋」，真相原來是香港同事戲弄外籍男，欺騙稱「DXLM即係cantonese（廣東話）嘅辛苦晒」。投稿者斥責，「咁樣整蠱同事真係冇陰公呀」，更擔心外籍男被亂教及亂說粗口，終有1日會出事被人打。

專門刊載打工仔職場事的網站「辦公室日報」刊登投稿，指最近有名「生面口」的外籍男子到他工作的大廈上班，起初他覺得對方為人有禮，早上會主動對所有人說「good morning（早晨）」，惟有次下班時，外籍男突然對他說「DXLM！」。當時有名阿叔同事在他身旁，兩人都確認自己沒有聽錯，並百思不得其解，因兩人都沒有得罪對方。

過了1星期，他再次遇到外籍男，對方又向他說「DXLM！」，他還從同事口中得知外籍男「逢人就X」，他很想問清楚對方為何無緣無故地說粗口，但由於自己英文差，所以不懂如何問。又過了幾天，他遇到外籍男與兩名香港同事一起下班，外籍男一如以往地說「DXLM！」，他內心大怒「喂！真係佛都有火，生出嚟畀你X㗎！」。原本想趁機問外籍男身旁的香港同事原因，此時香港同事已即場爆笑，其中1人代為解釋稱「唔好意思，唔好意思，佢講笑咋」，另1人則邊笑邊向外籍男解釋，但因用英文溝通，他聽不明白。

他不滿地指出，外籍男「晚晚放工都X我老母喎，點講笑呀！有咩唔滿意咪出聲囉！」，香港同事解釋「件事係咁嘅，我哋教咗佢少少中文，不過就同佢開玩笑，我哋話DXLM即係cantonese（廣東話）嘅辛苦晒，又同佢講如果就咁向人say goodbye（說再見）好普通，一般收工係會講辛苦晒，結果佢咪係咁同你講DXLM囉」。

此時外籍男才知道自己一直說錯話，一臉惶恐地向他連續說了數句「sorry（對不起）」，同時又指着兩名同事說了堆英文，雖然他聽不懂，但估計是解釋沒心說粗口，一直以來只是被同事戲弄。他斥責，「咁樣整蠱同事真係冇陰公呀」，想像到1名外國人來香港生活身邊沒朋友，人生路不熟，很需要香港人幫助，沒料到香港同事扭曲中文字詞的意思，甚至亂教說粗口當打招呼，「玩都適可宜止吖，玩完就糾正返佢吖嘛！」。

他向阿叔同事轉述事件，對方說「唔怪得啦！祝佢好運，遲早出事」，他問道「因為會俾人打？」，阿叔同事回覆「梗係啦，佢喺呢幢大廈X老X，話晒我哋只係打工，試下出去外面同人講DXLM吖，得罪啲大佬真係打到佢殘廢」，直斥外籍男的香港同事「好玩唔玩走嚟玩呢啲，害死人咩！」。他表示，不知香港同事傳授了多少粗口給外籍男，唯有希望外籍男自己先查清楚，勿胡亂使用，否則會很危險。

不少網民批評該群香港同事，「小學雞到爆」、「啲同事係咪小學未畢業，好幼稚」、「好心啲同事咪懶幽默」、「好討厭啲人亂教人，真係講錯會出事，到時入邊個數？」、「最憎啲人白癡當有趣，有事就一句玩下啫，點知乜乜乜」、「呢班所謂同事都過火啦，真係唔好捉人唔識嘢就亂開玩笑」、「呢班同事簡直係心地唔好」、「所以學語言第一樣就應該學咗粗口先，咁先知有心人教壞你，甚至俾人話都知」。