同事散水餅派旺旺仙貝 非人人有份 網民：咁派法我寧願佢唔派
撰文：謝茜嘉
出版：更新：
不少人離職時都會派散水餅表達心意，但也要避免派得太過寒酸。有網民於討論區表示，有同事日前離職，下班前5分鐘拿着一大包旺旺仙貝分派給同事，更不是人人都有，令他不禁說「咁派法我寧願佢唔派」。帖文引起熱議，有網民認同「咁肉酸，唔派更佳」，不過亦有人認為「關係差嘅話，我寧願省錢都唔怕肉酸，錢係自己嘅」。
該名網民於連登討論區以「同事派散水餅，派旺旺仙貝」為題發文，表示該名同事是職場新鮮人（fresh grad），他日前離職，在最後一天上班日只拿了一大包旺旺仙貝回公司派，一大包中只有10多包小包裝仙貝，因此並非每名同事都收到。樓主指出，「咁派法我寧願佢唔派」，又「玩膠」地說，「可能派旺旺小饅頭會好啲，起碼夠分」。
有其他網民亦加入「玩膠」行列，笑稱「盅碎佢，一包仙貝派全公司」、「不如派童星點心麵一人拎一條」、「一人一粒爆炸糖」。有網民則認為該名同事應該在公司有很大怨氣，「睇嚟你哋對人好差」、「你同事唔係五餅二魚搣餅畀你已經偷笑啦」。樓主回覆說「平時唔聲唔聲，走前一塊餅，發泄出嚟」、「爭在未拆開包裝，變一人一塊」。
另外，有網民認為派旺旺仙貝沒問題，指出「我寧願要旺旺，都唔想食西餅」、「好過好多奶油蛋糕西餅，唔想食又要迫住攞，仲要即刻食」、「其實我又冇乜所謂，散水餅其實真係好多餘」。
10年老臣子人工得1萬 遞信即受盡針對 離職日被嘲買唔起散水餅打工仔為健康裸辭 派散水餅表心意 無品上司唔只出言單打仲咁做派散水餅被上司狂窒「非人所為」 地盤職員爆seed反駁：跟你學返工7個月食6次散水餅 辭職被嚇再挽留 連登仔：識唔識留人㗎！同事列飲品清單 連登仔呻Last Day被屈買散水餅 問網民如何應付
同場加映：打工仔為健康裸辭 派散水餅表心意 無品上司唔只出言單打仲咁做
+6
同場加映：10年老臣子人工得1萬 遞信即受盡針對 離職日被嘲買唔起散水餅
+10
同場加映：返工1個月先被老細問呢樣嘢 員工超無奈：佢今日先見我喺度？
+7