返工7個月食6次散水餅　辭職被嚇再挽留　連登仔：識唔識留人㗎！

打工仔最怕入錯公司，有剛辭職的連登仔呻返工7個月已吃了6次散水餅，見證身邊上司同事相繼離職，終的起心肝離場，沒料交完辭職信後，人事部主管竟「一啖屎，一啖砂糖」，先威嚇後挽留，批評公司留人手法令樓主感不可思議，根本無心挽留員工。

下載「香港01」App ，即睇城中熱話：https://hk01.app.link/l7U1Y7t5LO

樓主昨日（9日）在連登討論區以「前幾日交咗信，今日就比hr大」為題發文，稱在一間工程公司做了7個月，已經吃了6次散水餅，「上司都換咗2個，而家跟緊第三個上司」，指公司架構和運作都十分混亂，同事如輪轉，遂生出離職的念頭。

他續指，數天前已遞交辭職信，昨和「HR阿姐」聊天，阿姐先訴說公司苦況，「又話市淡，又話人工已經係咁上下」，接着開始數落他工作不足一年，對公司不夠忠誠，又恐嚇他將來以這個履歷很難找工作。

惟「HR阿姐」其後又態度突變，「踩完我，轉個頭又係問返會唔會考慮繼續做。心諗，你哋識唔識留人㗎？」樓主認為，公司挽留員工應要肯定其能力和付出，未想到竟然會用「激將法」留人，斥公司做法「好難睇」，「就算留低，作為下屬對間公司都唔會有好印象。」

樓主憶述曾有同事辭職，被老闆獲知去向，其後老闆向其上司稱，「只要打個電話，間公司就唔會請佢」，令樓主十分驚訝，質疑「留人唔係提升福利，係斷人後路」，指能夠離開公司實屬萬幸。

樓主認為職員爭相離去根本是公司有問題，又聲稱自己被前上司挖角，而新公司大部份都是現公司的前職員，可見許多員工都是跳槽而走的。

網民力勸樓主不要讓公司的人知道其未來去向，「所以返新工之前千祈唔好畀人知你去邊」。亦有網民支持樓主，籲「唔好比佢大到！」，指剩下的一個月通知期「就按章工作，日日準時走」；有網民直指自己公司更誇張，7個月走足14個同事，「真係痴X線」。

（連登討論區）