激嬲女友要去馬鞍山美食遊先獲原諒　連登仔求教網民一日5餐攻略

「美食沙漠」稱號非馬鞍山莫屬，當成功爭取吉野家進駐一刻，大家都熱烈地彈琴熱烈地唱，足見居民平日「搵食艱難」。近日有網民在連登討論區發帖，稱因禍從口出激怒了女朋友，「佢話要我帶佢（去）馬鞍山美食一日遊先肯原諒我」，又指明不要連鎖店，遂向各巴打求救。有連登仔坦言「同分手冇分別」，但亦有人提供不少可行的小店選擇，希望幫助樓主度過一劫。

下載「香港01」App ，即睇城中熱話：https://hk01.app.link/l7U1Y7t5LO

有網民昨日（21日）在連登討論區以「唔小心禍從口出激嬲咗女朋友，佢話要我帶佢馬鞍山美食一日遊先肯原諒我」為題發帖，指自己對馬鞍山不熟悉，「真係跪X係到求大家，一日五餐」，又稱不要爭鮮、吉野家、大快活及麥當勞等連鎖店」，希望巴打們可以提供意見。樓主還說，女友對味道較為着重，即使沒有環境「打卡呃like」，但食物好味都會大讚他的安排。

不過有連登仔隨即打沉樓主，認為要求去馬鞍山美食遊「同叫分手冇分別」，認為對方明顯不想提分手但又想他知難而退，更叫樓主打定輸數，「下個更美好」；另有網民笑說：「搵5個住馬鞍山嘅巴打帶你上門食住家飯好過。」

另有網民提出不少建議，如去恆安街市「掃街」吃小食、上海菜小店「三哥廚房」、又有車仔麵或茶餐廳，還有馬鞍山居民地道平民小店「知味小館」。最後樓主總結各人的意見，定出一日4餐只欠宵夜的組合：

早餐：黃錫記
午餐：知味小館
下午茶：Beans
晚餐：Casa café

有網民就建議，晚飯後可以到「甜匠」吃甜品，或到恆安街市吃一碗豆腐花，為一日5餐美食遊作結，希望樓主可以度過難關！