【紅Van集體回憶】小巴「水牌」白、黃、藍、綠色點解？

小巴膠牌多為白底加上紅、藍字，紅色大字代表終點站，藍色細字代表途經的地方，這個你或許已經知道。
但原來另外數款膠牌包括藍底黃字、綠底白字、黃底紅字等均蘊藏了小巴業界行規。

全港僅餘手寫小巴膠牌師傅麥錦生接受《香港01》訪問時解釋，紅Van車頭膠牌底色原來別有含意。例如小巴路線牌的底色是白色，代表該小巴司機為「個體戶」，其他顏色則表示該路線已被「控制」，「有啲地下潛規則，即係你要畀錢，先可以入呢個站載客」，即俗稱「入線費」，換言之，黃、藍、綠3種顏色，其實代表3個不同集團經營。

「白牌」埋錯站隨時爆玻璃

「站頭如果有車擺喺度上客，通常個牌都唔係白色。」麥錦生講述，若某路線已有商會經營，小巴個體戶雖然仍可以自行經營該線，但不能在其車站上落客，「你路過、經過就得，唔好停囉，唔好喺佢站前面載客，如果你喺嗰度載客，輕則咪鬧你幾句，重則咪打爆你玻璃囉」。

從前入線費要20萬

小巴司機又如何入商會？麥錦生說當商會想要多些車，便會主動問司機有沒有興趣。他又說，以前幫商會造小巴牌，他開價是百多元，但商會連路線牌計入線費達20萬元，司機「冇20萬就唔使埋嚟條線攞客」，而且每月尚要交管理費。

紅Van最貴曾收每位100元

紅色小巴營運自由度高，不受法例規管路線、班次及收費，可說是「冇王管」。麥錦生指曾經為小巴司機做過最貴每位100元的價錢牌，「100蚊係30年前嘅100蚊喎，30年前啲人一日都搵唔到100蚊啦」，尤其是颱風天，司機開「天價」屢見不鮮。

政府為求監管小巴，於是鼓勵營辦商將紅色小巴轉營綠色專線小巴，並致力為專線小巴開發新路線。麥錦生指「因為每條綠色線都有個話事人，呢個人一定要冇案底、唔係黑社會，正當生意人。總之有啲咩事（政府）就捉呢個人，如果犯法就捉佢坐監，咁佢咪驚囉」。

據立法會文件及運輸署資料顯示，全港小巴的數量自1976年來一直維持在4,350 輛，2000年全港有2,045輛紅色小巴及2,305輛綠色專線小巴；到今年6月，紅色小巴只剩下1,117輛，而綠色專線小巴共有3,233輛。