好老闆奉行「No-OT」 連舜香：年輕人勿急做樓奴
走進一個廿多人的辦公室，間隔沒太大特別，但員工辦公桌枱頭，放了一個電子鬧鐘，「呢個係『落堂鐘』，食飯、放工就會響，同事通常都走得快過我。」
笑稱走得最慢的這一位，坐在辦公室尾端，與下屬毗鄰，就是一直奉行「No-OT」的日本命力健康食品執行董事連舜香（Ophelia）。
打工仔夢寐以求的「No-OT（不超時工作）、生日假、男士10日侍產假、兩日親子假、膳食津貼、父母1000元旅遊津貼、員工子女託管服務……」，提供以上種種福利的日本命力執行董事連舜香，早前獲「傑出家庭友善僱主」獎項，她接受《香港01》專訪時表示：「我都打過工，知道員工點諗，工作只係人生一部份，仲有家庭，仲有生活，呢啲價值老闆同員工都一樣。」
公司一共95名員工，被問到是否認識全部同事，身為老闆的連舜香想也不想，秒回「識得，全部都叫得出佢個名」。隨即如數家珍，一個接一個叫起同事的名字，「呢個係Chris，跟咗我廿年……外面receptionist（接待員）係Bella……，」上至經理級，下至公司的清潔姐姐，也沒有記錯他們的名字。
學習日本管理文化
自言「打過工」的連舜香，未創業之前，做過兩年打工仔，從事平面廣告設計，「我都捱過，試過成日趕工做到好夜，肯捱肯博，當做自己鍾意做嘅野，就唔會介意係咪OT」，後來辭職幫忙家人打理本田電單車代理公司，由於經常接觸到日本人的優良管理文化，之後決定與任職藥劑師的中學同學一同創辦公司。由只有數名員工，發展至已有95名員工的公司。
為被捕員工撰寫求情信
連舜香向《香港01》透露，創業初時，嘗試起用一些生活拮据的低下階層人士，於是在社會組織安排下，聘請了一個育有兩名子女的中年男子從事兼職，怎料該員工有申領綜緩，由於被人舉報，最終被收監，連舜香表示：「我當時都有去探佢，第一次去收押所，當時即刻應承幫佢照顧小朋友同媽媽。」她更幫忙撰寫求情信，說明員工苦況。
「有層樓，我唔覺得你特別叻」
對於有出爐傑青分享「上樓方程式」，兩年供斷層樓，27歲做業主。連舜香勉勵年輕人：「唔使咁急買樓，做乜要咁快做樓奴，生活變得豐盛啲咪仲好，用4分3嘅錢放落層樓，有層樓我唔覺得你特別叻，如果你特登去追層樓先至蠢。」她認為年輕時應放眼世界，享受過程，用心發展事業的話，樓只係人生的其中一部份，不要佔據整個人生。
「只著重人工 大家都唔會長久」
「如果一個人純粹著重薪酬嘅話，真係唔會做得長久，人工高，但要做生做死，到頭來一樣會怨，做得唔會開心，到人哋畀多幾百幾千，員工就會走，所以建立一種企業文化遠比福利重要。」連舜香經常將「企業文化」掛在嘴邊，文化要由老闆建立，輕鬆的工作環境，老闆沒有高高在上的架子，「員工成日都會同我講笑，佢哋有事亦願意搵我傾偈，大家關係好似屋企人咁，前提係老闆點對員工」。
任職清潔工的嬌姐接受訪問時指，之前打過幾份工均無法兼顧家庭，星期六、日都要上班，不能照顧就讀小五的女兒。當嬌姐提到老闆連舜香，更一度落淚，因為公司批准讓她在不扣減薪金的情況下，提早一小時至5時下班，接女兒放學及打理家務。
不要「Always agree with your boss」
被問到是否贊成財政司司長曾俊華的說法「Always agree with your boss（經常贊成老闆）」，連舜香表示「我要嘅唔係Yes man（唯唯諾諾），而係有意見有思想嘅人，甚至ban（反對）我都無問題，老闆一個人好多盲點，靠員工互補。」
辦公室設落堂鐘 提同事準時收工（No-OT）
訪問當日，在公司任職20年的總經理莫惠儀（Chris）提到「做咗咁耐，幾乎冇OT過，因為我哋有個『落堂鐘』，食飯、放工就會響，提同事收工」，連舜香隨即笑言「通常員工都走得快過我」，又指「家庭對每個人都是最重要，我哋做老闆，唔可以叫人打份工，就理唔到家庭，就冇咗生活。」
職員再向記者介紹「落堂鐘」的時候，發現比正常時間快了10分鐘，連舜香笑指，「係咩!?我都唔知喎！」落堂鐘準時在下午5時50分響起，不消10分鐘，全公司職員已經「撤退」。