凍肉舖職員踩入雪櫃上貨 目擊網民：踩到啪啪聲！
撰文：喬納森
出版：更新：
職員上貨要方便，也必須注意衛生。有網民上載照片指柴灣有凍肉舖的職員踩入雪櫃內，用雙腳狂踩食物，把貨品放入上方的木櫃內，雖然隔住包裝，但網民仍大呼嘔心，而指職員「踩到啪啪聲」，嬲爆稱不再「幫襯」。
下載「香港01」App ，即睇城中熱話：https://hk01.app.link/qIZYuEC5LO
有女網民昨上載一張圖片至facebook群組「柴灣人柴灣事」，可見一名已打格的凍肉舖職員整個人爬入凍肉櫃，用雙腳踩食物，旁邊有一個寫住「椰漿」的紙皮箱，上載者用文字交代指「上貨啫…唔使踩上啲食物到呀嘛，踩到啪啪聲」、「佢腳下面包薯餅，之前諗住買，點知入面有好多一隻隻黑色野」。
據上載者所見職員需把椰漿放入凍肉櫃上方的木櫃內，但沒有使用鋁梯或其他工具，直接爬入凍肉櫃踩住食物上貨。
凍肉外層雖然有塑膠包裝，但網民仍然大感吃不消，留言指「呢啲真係好過份」、「可以唔使再幫襯」及「好污糟」等，更有人提議「搵啲紙皮塾住都好啊」及「其實隔離放張櫈企上去個人斜少少就可以啦」。
《香港01》今早致電涉事凍肉舖了解，但職員表示不知情及要求留下聯絡方法以便回覆。
（fb群組「柴灣人柴灣事」）