不滿被女友長期監控　iPhone「Find My Friends」功能玩殘連登仔

科技日新月異，「成個老襯，從此被困」這句歌詞，已不僅局限於婚姻。日前一名連登仔在網上抱怨，指自從女友得悉iPhone的「Find My Friends」功能後，經常監視其行蹤，連到海旁跑步，「會問我跑咁遠做咩」，即使留在家中，「佢都會問我做咩唔搵吓佢傾偈」，讓他備受壓力，「無時無刻都覺得佢望住我咁」。
帖文引來大批網民熱議，有人慨嘆樓主「慘過坐監」，亦有人認為如果一方要出軌，「實有辦法呃到你」，其女友做法只會辛苦大家。另有網民則提供簡單破解法，利用同一個Apple id登入iPad，再將iPad長期放在家中，「咁你就永遠都喺屋企瞓緊覺啦」。

下載「香港01」App ，即睇城中熱話：https://hk01.app.link/l7U1Y7t5LO

該連登仔昨發文，稱「iPhone個新功能玩死我啦」，並指女友早前叫他下載「Find My Friends」功能，「點知down完就奶Ｘ咗嘢」，他稱平日出街都會先通知女友讓她放心，但自從用了該功能後，女友經常監視其行蹤，更非常不信任他。

他舉例稱有時到海旁跑步，「會問我跑咁遠做咩」、自己落街買東西，「問我做咩買嗰樣嘢要走去商場」、放工後到書局看新書，「又問我做咩冇啦啦去書局，係唔係同女仔去」，最誇張莫過於即使樓主安坐家中，「佢都會問我做咩唔搵吓佢傾偈」，令他「想打吓機都打得唔安心」。樓主無奈稱功能非用不可，不然女友會變得多疑，惟現在「無時無刻都覺得佢望住我咁」，讓他相當苦惱。

不少網民見狀，均慨嘆樓主「仲慘過坐監」，「坐監都仲自由過你依家」，亦有人指如果一方要出軌，「實有辦法呃到你」，其女友做法只會辛苦大家。有類似經歷的網民則分享，稱想當年曾試過「偷偷地將個location set咗去ipad到」，讓前女友一直以為他在家中；亦有人試過用假定位，「一時定自己喺阿富汗，一時定自己喺北韓」，最後對方以為「個嘢壞咗呀」而停用該功能。

（連登討論區）