男友褲袋發現已撕開包裝袋 爆偷食疑雲 閨密一查始知擺烏龍
撰文：卡洛兒
出版：更新：
疑神疑鬼似乎是女朋友通病，只要一發現「異物」，輕則胡思亂想，重則向男友興師問罪。Facebook專頁「中女講呢啲」近日發帖，分享一件「擺烏龍」事件，指有朋友懷疑男友偷食，皆因在對方褲袋找到一個已撕開、外形跟避孕套極為相似的包裝袋。樓主在Google搜尋包裝的英文字，發現原來只是減肥藥。網民看完對話截圖都笑翻了，稱「有心事要同朋友講，尤其是自己比較低智能」。
下載「香港01」App ，即睇城中熱話：https://hk01.app.link/l7U1Y7t5LO
FB專頁「中女講呢啲」上載兩張「出賣朋友系列」的WhatsApp對話截圖，笑稱「『袋』唔可亂放」，更強調不是廣告，「冇食過，亦冇推介！食咗有乜頭暈身㷫唔好問我。」從對話截圖可見，朋友傳來訊息表示懷疑男友偷食，因在其褲袋找到一個銀色小正方形的包裝袋，而且已被撕開用過，認為是避孕套包裝，她還強調「佢成個星期都冇同我咩啦」，令偷食疑雲更加「似層層」。
Quit宿被阿媽發現有「安全套」 台女：怎麼我都不知道！爸爸第三者竟是男友媽 碰見瞬間勁尷尬 女生崩潰：很像電視劇【帽事嘅】港女自曝婚前懷性伴侶BB 欲「呃男友一世」遭網民鬧爆台女偷看男友手機 驚見大量男友與閨密性愛片 網民全部錯重點…
不過旁觀者清，收到訊息的樓主隨即提出質疑，稱未見過此包裝的避孕套，又問「呢個乜嘢雜嘜牌」，其後上網搜尋包裝上的英文字，瞬間真相大白，原來只是減肥藥包裝，朋友鬆一口氣。
帖文令網民笑翻，「誤會太大了」，但亦有人理性分析，「好少用完放褲袋囉！因為都冇褲着」、「其實通常放落銀包，我朋友個朋友講」。另有人好奇男友為何將包裝袋放褲袋內，「正如煮完公仔麵，包味粉落完都會掉咗個錫紙套佢啦」。
過往有台灣女生被媽媽發現房內有「安全套」，結果原來是調味粉，一場誤會超爆笑！（按圖細看）↓↓↓
+2