連登仔做馬會接線生「開齋」遇粗口客　竟然係自己老豆

接線生未必常遇有禮客人，遇上爆粗客人而且更是自己家人，又應如何應對？有連登仔指在馬會當接線生第4日時聽到投注者戶口號碼，即時認出原來是父親落注，惟對方沒察覺撞正個仔，因樓主未熟悉工作程序要求其父重複一次時，父親竟發火爆粗怒稱「X你老母」，樓主回敬「大家咁話」，其父不服再還口說「如果你係我個仔實劈死你」，這段父子對話令網民笑爆。

下載「香港01」App ，即睇城中熱話：https://hk01.app.link/qIZYuEC5LO

有巴打昨晚在連登討論區發帖，以「是咁的」開首，指小時候常在家中聽到父親打電話落注，故記得其落注號碼，「近排返咗馬會份接線工，可以一邊讀書，一邊有啲零用」，家人也知他有這份該份新兼職工作。

工作第4日正值跑馬日，第二場時樓主接到一個感覺極為熟悉的落注電話，「接接下接到個好熟嘅聲…都冇咩點理啦，點知佢讀咗我老豆個戶口號碼」，他驚覺對方正是自己父親，見對方沒特別反應，他決定「扮唔識佢啦，繼續幫佢落注」，其父「一輪嘴講幾穿幾、第幾關買咩買咩」，因樓主未熟悉工作程序，唯有說「先生，可唔可以重複一次？」沒料其父親發火爆粗︰「快X啲啦，咁都聽唔到，X你老母」。

就算是自己父親，無端被罵樓主也感不快，遂回敬「啱㗎啦啱㗎啦大家咁話啦」，其父聽畢躁上加躁，怒稱「如果你係我個仔實劈死你」，樓主慨嘆其父「點會諗到打過黎會咁啱係我…估唔到畀自己老豆開波先」。

這則帖文引起約3700人讚好，有男網民指千年難得一遇，「當年我做咗一年都遇唔到老豆買馬，巴打4日就撞到」，有巴打留言指「欣賞你老豆講得出做得到」，亦有人笑稱樓主父親應該繼續「講得出做得到」劈死樓主，更有巴打建議樓主教父親「用馬會app買咪唔駛接佢條線」。

（連登討論區）