收錢時唔笑被投訴　笑住收又被轟唔專業　收銀員︰做X埋我個份啦

「今時今日咁嘅服務態度唔夠㗎」一句廣告對白，或加重不少服務業打工仔重擔。有收銀員網上匿名分享今年3月被客人投訴沒有笑容，他跟從經理指示改善，沒想到日前面帶微笑向兩名女顧客收錢，又被對方向經理投訴「嬉皮笑臉、不專業」，令收銀員忍不住咆哮爆粗：「你班八婆做X埋我個份啦X街」。

下載「香港01」App ，即睇城中熱話：https://hk01.app.link/qIZYuEC5LO

facebook專頁「西客之道 HIspitality Secret」上周四上載投稿內容，有收銀員稱在一間連鎖店做收銀員，今年3月，有客人付錢後向經理投訴他「冇笑容，好串」，隨後經理叫他改善下，他亦聽從意見。

沒料到最近當收銀員微笑收錢時，卻被兩名女顧客「以鄙視嘅眼神望住」，兩女付錢後更向經理投訴他「嬉皮笑臉、不專業、平時嚟親都係咁」，直指對樓主感到不滿。

收銀員得悉事件後大感無奈，他在帖文中明言「而家笑又X，唔笑又X，你班八婆做X埋我個份啦X街」大吐苦水，該專頁在帖文配上日本動畫《千與千尋》其中一場有無臉男的場面，寫上「下次我擺個咁嘅表情囉」，十分傳神。

這件收銀員不幸事件，引發網民討論，有人笑稱「睇嚟係個樣問題」，有人留言「唔准講事實」，有網民建議該收銀員「其實最好戴面具返工」、「戴口罩」，更有過來人分享經歷︰「我試過笑容滿面收錢，比個X街佬問候我，『你個咩樣』，我亦好有勇氣問候佢，『先生，請問我係咩樣呢？』」

（fb專頁「西客之道 HIspitality Secret」）