網傳私家車遭包膠兼噴油「追數」　大狀：至少構成刑事恐嚇

今時今日「追數」不能一味「靠惡」，亦要轉型追上時代步伐。近日網上瘋傳一輛白色私家車被包上保鮮紙，再被用紅色油漆噴上「還錢」、「欠債」等字句，令網民笑稱「收數佬幫人家包完保鮮紙之後再噴油，真係有良心」。有眼利網民則發現，相中的車輛為「左軚車」，估計相中的「高質追數」手段並非於香港發生。不過，大律師陸偉雄指出，若事件發生於香港，該行為至少已構成刑事恐嚇，甚至觸犯刑事毀壞罪，呼籲市民切勿「有樣學樣」，以身試法。

下載「香港01」App ，即睇城中熱話：https://hk01.app.link/qIZYuEC5LO

有網民於facebook群組「香港花生友」貼出相片，顯示一輛白色私家車被包上多層保鮮紙，並以紅色油漆噴上「還錢」、「欠債」等字句，懷疑車主被人追債。樓主對該追債方法感新奇，笑稱「原來而家嘅收數佬質素咁高，幫人家包完保鮮紙之後再噴油，真係有良心」。

相片吸引大批網民留言，有人笑言相中的追債方法成本高，直指債主「好有 heart」，「收數佬好捨得用大量保鮮紙幫人家包車再噴油寫欠債還錢，付出做法反而好細心」，「保鮮紙都好貴㗎，幸福的債仔」，「佢應該係做運輸加收數」。

有網民則估計，債主先以保鮮紙包起車輛，是想避免直接毀壞車身，一旦被人發現亦可「甩身」，「驚整污糟佢架車，到時佢賣唔出好價錢，就還唔到錢」，「如果追錢唔成，仲要畀人影到喺上面寫字，反而賠錢咁就慘過隻豬」。另有眼利網民發現，相中的車輛全為「左軚」，加上以紅油噴上的字句全為簡體字，質疑事件並非於香港發生。

大律師陸偉雄指出，如事件於香港發生，相關行為已構成刑事恐嚇罪，因車身上的字眼已給予車主或他人訊息，令人擔心若欠債人仍未還錢，或會有更嚴重的後果。至於行為會否干犯刑事毀壞罪，則要視乎車輛有否於過程中受損壞，如染上油漆、意外被「刮花」等，除非犯案者能做到「滴水不漏」，完全沒有對車輛造成破壞，否則已屬刑毀行為。