的士遭包膠寫「欠債還錢」　車頂綁紅蝴蝶結　網民：收數佬送大禮

追數公司有新招？不少收數人會對欠債不還的債仔威嚇以待，惟日前有網民發現另類追數方式，網傳一輛的士「被包膠」，擋風玻璃位置寫上「欠債還錢」紅字，惟車頂卻紥有紅色絲帶蝴蝶結，似靜待車主拆禮物一般，被網民笑稱債主「用愛與和平收伏(服)債仔」。

照片於上周五（11日）被上載至Facebook群組「我的你的紅的」，旋即獲網民熱議，截至今午已有近700個人讚好及135次分享。

群組管理員稱，照片是經由Whatsapp收到，出處已無從稽考，但從的士旁邊景物所見，推測是觀塘海濱道公園附近，亦有另一網民證實，指上周初曾親眼見到該的士以「包膠狀態」停泊路邊。 

多位網民大讚該追數方式「好有心意」，笑指是「收數佬」送大禮，「份禮物唔知要拆幾耐」、「唔扑爆玻璃,，吉(拮)穿車軚非常厚道」、「溫暖得像媽媽親手編織的毛衣一樣」、「免費多層鍍膜」。樓主亦和應大讚「有品的追數公司」、「用愛與和平收伏(服)債仔」、「追債都講創意同收視，呢個紅絲帶就係優秀示範」。

有網民對此另類追債方式大感興趣，更分析稱「如果破壞了搵食工具，更加還唔到錢。真係深思熟慮呀」、又疑惑「唔知咁樣算唔算刑事毀壞」。

樓主則認為不論包膠者原意如何，但整體來說對車主影響不算大，「剪開啲膠布，頂住個蝴蝶結開工，都不失為搵多啲錢填數嘅好方法」、「拆完擋風玻璃嘅包膠，喺門邊剪開條邊，可以開工。」

（Facebook群組「我的你的紅的」）