連登仔分享交收奇遇　草叢自取、母子相認　網民：買家做埋女朋友

潮流興網購，與陌生人進行交易再安排交收已變成不少人的生活日常。有連登仔發帖分享有趣交收經歷，稱曾相約賣家交收唱片，惟途中遇上塞車遲到，對方遂將唱片放進商場附近的草叢，過程儼如不可見人的交易。其他網民亦各自分享交收奇遇，有人稱交收智能電話時才發現買家竟是母親，母子「笑到返屋企」；有人更自豪地分享因交收而與買家成為朋友，最終發展成戀人，令網民大呼羨慕。

下載「香港01」App ，即睇城中熱話：https://hk01.app.link/l7U1Y7t5LO

樓主日前在連登討論區以「一人一個交收嘅特別經歷」為題發文，稱自己曾相約賣家於一商場交收唱片，途中因遇上塞車遲到，惟對方有要事「趕住走」，遂對他說已將唱片放於商場附近的草叢，着樓主到達時自行尋找，「check到無事先入返數畀佢」。樓主稱，雖然唱片價值僅為50元，但沒想到賣家如此「大安旨意」，「唔驚我攞咗件貨扮搵唔到」。

有網民認為樓主的交易感覺神秘，「毒品交易咁嘅款」，又分享各自的交收「奇遇」。有人稱曾遇到好賣家，多番提點自己要檢查貨品，甚至願意提供「順風車」；但亦有網民分享受騙的經歷，指慘被「小學生妹妹仔」欺騙，錯信對方「無帶錢，要返屋企攞」，惟對方一去不返，在通訊程式中被人封鎖後才知道，自己白等了半個小時。

另有網民分享放售智能電話時，與買家相約好時間地點交收，詎料交收時才發現買家竟是自己母親，兩母子「由交收嗰度一路笑笑到返屋企」。有人質疑事件真實性，該網民即稱「吹水嘅呢世溝唔到女」。亦有不少網民亦試過相約交收時才發現對方為朋友或街坊，巧合的關係有時或能令賣家「收平啲」。

有巴打則自豪地分享其交收情緣，指曾於與女網民交收演唱會門票，其間覺得對方「幾斯文幾靚」，完成交收後主動與對方透過通訊軟件聊天，兩星期後更主動出擊，「決定約佢重新買過兩張飛一齊睇場演唱會」，兩人最終成為朋友，半年前更發展成戀人。

另一網民亦指，兩星期前與一名女生交收智能手錶，得知對方剛與男友分手，遂加以安慰，後來更「膽粗粗」邀請對方「唱K」並送其返家，至今仍有聯絡，並發展出暖昧關係，令一眾網民大呼羨慕及為其打氣，不過該網民卻笑言，「我唔敢講隻錶係ex送」。

（連登討論區）