M到家姐唔沖廁兼馬桶染血跡　連登仔崩潰斥：我想嘔呀！

家人雖然血脈相連，但在生活習慣上，難免會出現分歧。近日有巴打在討論區上發文，抱怨近日與家人到外地旅行，需要與「港女」姐姐同房，詎料對方毫無衛生常識，在月事期間，竟然在酒店的馬桶邊緣留有大片血跡，令他極度憤怒，「見到咁我真係好X想嘔」。當要求姐姐清潔洗手間時，還被對方指責「你咁有公德心咪自己『奶』翻乾淨佢」，最後在樓主不停炮轟後，姐姐才不情願地清潔洗手間。

下載「香港01」App ，即睇城中熱話：https://hk01.app.link/l7U1Y7t5LO

近日有連登仔在網上發出勸世帖文，題為「千祈唔X好同港女去旅行」，更說明「有圖慎入」。樓主表示他於上星期與家人到馬來西亞旅行4天，其間需要與姐姐同房。樓主形容姐姐平時在家中「都冇咩嘢」，只是周圍亂放東西及發公主脾氣，所以即使要同房4天都沒有大問題，「點X知中哂伏」。

樓主坦言姐姐平時在家中沒有問題，是因為有媽媽為她「執頭執尾，佢再污糟邋遢都有人XX佢」，詎料旅行後，才「見識到佢個人係幾咁恐怖」。他指姐姐於旅行期間剛好月事到來，向他發脾氣都已經事小，最大問題的是「一啲衛生常識都無」，他憶述當時回到酒店後，看到房內廁所情況惡劣，不但遍地廁紙，馬桶邊緣更有數行褐紅色的血跡，使樓主崩潰稱「我真係好X想嘔」。

他更指姐姐如廁後未有沖廁，整個馬桶都是血水，垃圾桶內甚至有用過的衛生巾，「成張攤喺度，好X嘔心」，惟當他斥責姐姐時卻反而被罵，「咁X有公德心嘅咪自己『奶』翻乾淨佢」。面對姐姐的無理指控，樓主決定堅持己見，最後成功迫使姐姐自行清潔洗手間，不過「之後幾日都黑口黑面，黐X線」。

最後樓主問其他女性，如果遇上月事「可唔可以畀少少公德心，好難想像出面街嘅女廁係唔係都係咁」。他又向網民表示，千萬不要向他說「同得港女去旅行就預咗」，因為去洗手間要沖廁是衛生常識，「你屙完屎都會沖廁啦吓話」。

有網民直言自己是女性「都頂唔順你家姐，好X核突」，又笑指「你家姐係咁樣邊有人要」、「咁大個窿都屙唔準」。另外亦有人表示，其實女廁不時都會有類似情況，「明明大力啲㩒就沖走晒」，又說街上的公廁就是因為有樓主姐姐這一種人才會變得不衛生，「搞到我完全唔想用出面啲廁所」。

（連登討論區）