食肆碟子傾斜一邊　變「熔岩魚香茄子」　網民驚奇：邊個設計？

設計這回事，你識條鐵咩？有些產品即使設計有多新穎，都可能是華而不實。有網民近日在連登討論區，分享一張用餐時拍得的照片，只見白色碟子的外型奇特，碟邊向一邊傾斜，令碟內的魚香茄子都傾瀉出來，網民不禁問「邊X個設計呢種碟」。不少人看到帖文都笑翻，有巴打「突破盲腸」稱，這碟子令人以為「多到漏出嚟」，形容設計者是天才；但有人則認為只是盛載的菜式問題，如果不是多汁的餸菜就不會出事。

網民「武術天次」昨日（13日）在連登討論區發帖，指近日到旺角一間中菜館吃飯，點了一個魚香茄子小菜套餐，結果上菜時驚見碟內的魚香茄子滿瀉，甚至沾濕餐紙，仔細一看，碟子的外型原來是由左向右傾斜，非常奇怪。樓主不禁問「邊X個設計呢種碟」，又指「懶係型啲汁流X晒出黎啦」。他又強調該店的食品沒有問題，只是「個碟真係on X到嚇死人」。

有網民回應樓主稱，這種碟子令你以為餸菜「多到漏出嚟」，認為「諗果個人係天才」，又指下次「少啲餸少啲汁」就不是問題；另有人稱一看就知碟子應用來盛載意粉，「係個廚師on X唔係設計果個」；亦有網民非常有創意，認為可以將菜式改名為「熔岩魚香茄子」；有人則認為設計者可能是天文學家，「成個土星咁」。

另有網民就分享另一隻設計奇怪的碟子，只見碟邊與真正能盛載食物的位置差不多為1:1，「張枱都唔係好闊，仲要𧧝𧧝𧨊𧨊，中間拙菜仲要攝牙罅都唔夠」，有網民就神回覆稱「同起樓一樣，建築面積 vs 實用面積」。