快餐店現多箱廣州預製「急凍盆菜」 網民嘆非香港製造:懶唔懶啲

撰文:朱利安
出版:更新:
農曆新年期間,不少人都會選擇圍在一起與親友吃盆菜,而材料當然而愈新鮮愈好。惟最近有大埔街坊在社交平台上傳照片,顯示一連鎖快餐店內放有多箱「急凍盆菜」,紙箱上寫明生產商為廣州一食品公司,驚訝並非香港廠房製造。不少網民留言指「嗰啲叫預製菜」、「盆菜都要急凍,懶唔懶啲」,惟部份網民覺得很平常,「根本好多嘢都係上面做,然後運落嚟」。

店面現多箱「急凍盆菜」
樓主日前在facebook群組「大埔 TAI PO」發文及上傳相片,顯示在一連鎖快餐店內,放有多個紙箱,上面以簡體中文寫明「急凍盆菜」,生產商為廣州一食品公司,讓樓主驚嘆「今日先知原來……盆菜並非大埔工場做嘅」。
網民嘆:嗰啲叫預製菜
帖文一出,即引來大批網民熱議,有人認為換言之該餐廳出售的所謂盆菜,其實都是預製菜,認為質素較差,留言稱「嗰啲叫預製菜」、「盆菜都要急凍,懶唔懶啲」。也有部份網民表示「預製盆菜」見怪不怪,「你唔係諗住佢喺後面廚房同你整吓嘩」、「而家先知?」、「預左啦」、「訂得預咗」、「想食盆菜,其實好多地方都有自己煮」。
網民又提到其實不少食品的部份工序都不是在香港完成,「其實好多年前有啲連鎖麪包店蛋榚嘅餅底已經唔係香港做」、「根本好多嘢都係上面做,然後運落嚟,尤其係燒味,如果唔係點會咁平」、「如果有監察品質,就應該冇問題」。