深圳食肆新年另收服務費!港媽斥學香港「搶錢」 網民提2點反駁

深圳食肆新年另收服務費!港媽斥學香港「搶錢」 網民提2點反駁
撰文:李納德
出版:更新:

新年北上用餐,食肆都要收額外服務費?有港媽發現新年期間內地有餐廳要收額外服務費,在門外標明年廿九去到大年初五(1月28日至2月2日)堂食全單加15%服務費,抱怨「深圳即係愈來愈跟香港做法,搶錢 」。

不過,許多網民認為新年加附外收費無問題,指內地較香港更重視過年,「新年開自然要加工資」、「店員離鄉背井去深圳打工」,又認為即使加15%收費仍較香港便宜,「香港啲茶樓茶餐廳,絕大部份都加二加三」。

樓主發帖,指內地的食肆新年期間加收服務費,質疑學香港「搶錢」。(親子王國圖片)
樓主發帖,指內地的食肆新年期間加收服務費,質疑學香港「搶錢」。(親子王國圖片)

新年全單加收15%服務費

樓主在親子王國討論區發文指「過年大陸食飯要服務費」,發現內地食肆在過年像香港一樣額外收費,「平時唔使㗎喎,呢間過年要收!過年無晒美團餐,都係唔返大陸了 」。照片所見,該連鎖餐廳貼出溫馨提示,寫明春節期間年廿九去到年初五,堂食全單要加收15%的服務費。

樓主不滿深圳食肆模仿香港收費,「我係中山用到美團餐!深圳即係愈來愈跟香港做法,搶錢 」、「平時都好好招呼,平時唔使服務費」。

網民認為餐廳寫明也要加服務費就無問題,又提到內地更重視新年,店員要新年上班自然要加人工。(資料圖片)

網民指內地重視新年 「店員離鄉背井深圳打工」

不過,許多網民認為不算「搶錢」,「新年加服費服問題不大」、「門口講明都幾好,好過入到去先知」、「應份,畀得安樂,深圳是移民城市」、「舊年初三係大陸入座講明加二」、「一年都係幾天」、「點解香港可以加,大陸唔可以?」、「HK都要,而且門口寫明,覺得唔合理咪唔幫襯,自己係屋企煮」。

網民提到,內地較香港更重視新年,「國內放7日假,員工開工都要畀多啲人工。國內食嘢全部都好好招呼,15%都抵畀啦」、「又唔可以話人搶錢,大陸重視新年,估計以往唔多鋪開,新年開自然要加工資」、「店員離鄉背井去深圳打工,過年都唔回鄉,抵畀多啲嘅」。

網民笑言食肆加服務費後仍較香港便宜。(資料圖片)

網民笑:加完都平過香港啦

而且,比較下深圳食肆有附加價也仍較香港便宜,「年廿幾至初七,香港啲茶樓茶餐廳,絕大部份都加二加三,仲有嗰個加一服務費係後面添」、「香港好多茶餐廳年廿七已加一,加到年初三四」、「加完都平過香港啦」。

(親子王國)

正在加載