深圳旅遊|網民激讚深圳夾公仔超易 $50滿一車附3大夾公仔好去處
撰文:豬肉丸
出版:更新:
深圳旅遊何止得食飯或揼骨?現在流行夾公仔!網民常分享一家大細去深圳玩夾公仔機收獲,夾一車才人仔50蚊,唔似香港的夾公仔機般勁鬆,又平又好玩!《香港01》「好食玩飛」記者精選深圳3大夾公仔好去處,想盡情享受夾公仔樂的人必不可錯過!
深圳公仔好易夾!¥2/次 夾一車才¥50
近日「深圳大灣區好去處開心share」Facebook專頁有網友分享去深圳玩夾公仔機的抵玩體驗,指自己僅花¥20即夾到大公仔,用¥50蚊更夾到一車公仔,大讚內地夾公仔好易夾,唔似香港般「奸」,整到個夾好鬆,真正讓人享受夾公仔樂!
帖文一出,即引來大量網民讚好,並齊齊分享戰績,大部分人都同意在內地玩夾公仔機易好多,表示自己每次跟家人去都一車車夾走,好過癮!又有人指有時夾太多細公仔時,還可以一定數量的細公仔去換一隻大公仔、花¥20仍夾不到公仔,店家還會送隻8寸公仔「包底」等,整體制度好佛心,不似香港般搵笨。
即睇網民在深圳夾公仔的「戰利品」 👇 👇 👇
+8
有網民嬲爆大數香港夾公仔好搵笨 👇 👇 👇
深圳3大夾公仔好去處 公仔靚又易夾
詳談夾公仔成果後,網民即分享多個深圳夾公仔好去處,如星際傳奇、熱氣球及不二國度等,公仔均又靚又易夾,輕輕鬆鬆夾一車走,好易獲得成就感!此外,這些室內遊樂場也附設各式遊戲,如賽車、金幣塔、射擊遊、投籃機…等,老少咸宜,非常適合帶孩子去玩!
1.反斗樂園-星際傳奇
反斗樂園-星際傳奇
地址:深圳奧海街道深南大道9668號華潤城萬象天地L4層SL435(萬象天地店)
深圳中康路126號卓悅匯購物中心3層-17a(卓悅匯購物中心店)
2.熱氣球
熱氣球
地址:深圳領展中心城RG073A
3.不二國度‧抓娃娃
不二國度
地址:深圳梅園路71號萬象食家3層L325室