【辦公室3點3】15分鐘腸仔茄汁豆叮叮焗薯　入爐前最緊要「拮」！

辦公室最好常備一個薯仔，被老細照肺、被同事出賣、被電腦整蠱時可以讓你盡情發洩，用叉在無辜的薯仔身上拮拮拮拮拮拮吧，拮完還可以食。
點食？焗薯啦。沒焗爐？放入微波爐叮一樣得。
攝影：鄒家鳳

薯仔，只用普通十蚊有四五個的中國薯仔，只因它比美國焗薯肉色深，又比新薯較高澱粉質，作為原個叮叮焗薯剛剛好。

比焗薯省三分二時間

一般焗薯，無論你先烚後焗或全焗，最少也花45分鐘。在繁忙的辦公室內，擾攘掛心45分鐘，好像太奢侈，用微波爐則可15分鐘內搞掂。

做法
1 薯仔洗淨，用叉在四周刺戳，愈多愈好。
2 放入焗爐以中火叮4-5分鐘，再翻轉焗3-4分鐘取出，抹去刺孔冒出的水點。
3 切半塗上牛油，灑少許鹽，再放喜歡的配料，如芝士煙肉或腸仔茄汁豆，再叮1-2分鐘，吃時撒上黑椒或海苔。

叮原個薯仔，最重要把它刺戳，讓水分釋放，也令薯仔較容易熟。初時以為刺得不多，邊叮邊有吱吱聲作響，怕它像計時炸彈隨時引爆。其實返工都一樣，沒足夠疏洩，很易谷到爆！