陳嘉寶與初戀男友拉埋天窗　新郎接新娘環節「慘」食檸檬

恭喜哂！陳嘉寶 (Anjaylia) 今日終於與初戀男友黃頌祈 (Epaphras) 拉埋天窗。新郎新娘現身給傳媒拍照時，陳嘉寶更身穿低Ｖ領婚紗，盡顯本錢，甚為性感。兩人接受傳媒訪問時指，新郎黃頌祈接新娘時被姊妹團要求扮新娘陳嘉寶最愛的美少女戰士。「係呀我扮月野兔。佢要求咗好多次，終於結婚都要滿足佢一次。」除此之外，新郎黃頌祈更表示接新娘時有玩其他遊戲。「佢哋對我哋比較溫柔。掹吓腳毛嗰啲，然後食吓檸檬，對我嚟講好輕手。」

問到婚後的大計，新娘陳嘉寶表示會先處理工作，因為工作已經排到明年的一月，渡蜜月也需要延後。至於造人會否，新郎即說：「我媽咪今日話隨意，冇壓力。」講到愛的宣言，新郎就表示說：「唔使佢執嘢，可以無謂嘢任佢買。」陳嘉寶：「呢啲係姊妹寫嘅，因為佢哋知我鍾意買無謂嘢。」

雖然花球就由姊妹之一的陳瀅搶到，不過今日陳凱琳與鄭嘉穎亦都有同場出現，唔知佢咃會唔會因為感受到幸福氣氛又考慮下拉埋天窗呢？