鄭秀文為杜可風剃眼眉　為靚唔會介意：剃腳毛可能我會care啲！

一排沒見的鄭秀文，周四（10月19日）出席一個品牌活動。他接受《香港01》訪問時表示自己之前去了四川拍戲。「拍一套叫做《午夜慢車》嘅電影。係由一個法籍華人導演拍嘅。同埋攝影師喺杜可風。咁你聽到個名都知道係好『唯美』同埋個故事都比較特別啲。所以我為咗套電影都有少少付出，就係剃咗自己2條眉。因為我想個造型上面特別啲，所以就剃咗條眉囉。」有人說過「眉毛剃咗就生唔返」，但是Sammi卻毫不在意這件事。日前更加將自己的剃眉照上傳到社交平台同粉絲「開心share」。Sammi在訪問中解釋：「喺40年代女士，嗰啲化妝係好幼同好彎嘅眉。（嗰時係興剃眉？）唔興㗎，不過係我覺得條眉阻住個化妝，所以我先話：不如剃咗佢啦。」

為藝術剃眼眉，Sammi仲話完全唔介意：「其實對我來講眉毛咋嘛，我唔係太介意。你叫我剃腳毛可能我會care啲囉，哈哈哈⋯講笑啫。可能你叫我拔晒啲眼睫毛就唔得。其實每個人個準則都唔一樣。」除了為電影剃眉這個舉動之外，Sammi亦為了這套電影收身減肥，減肥？「喺嗰邊要好選擇地食同埋要戒囗，食少啲肉。嗰邊冇乜娛樂，所以自己喺房入邊做運動，反而無心插柳地做咗六舊腹肌出嚟。而且諗住拍完有得食，有個希望，所以就唔會心情唔好。我拍完套戲返到香港，就即刻去咗打邊爐。」

除了鄭秀文Sammi之外，同場還有另一位天后f(x)成員Krystal（鄭秀晶）。原來這是鄭秀文與鄭秀晶的第一次見面。「佢真人好靚，直頭見到都眼前一亮，同埋好鍾意佢嘅髮型。」問到鄭秀文有沒有聽過鄭秀晶的歌時，Sammi就開玩笑的說：「哈哈，咁又冇喎，我估佢都冇聽過我啲歌。」Sammi更說：「講咗Nice to meet you囉。」