【森美旅行團】東京晴空塔下見到靚景　想起森美嫂感動到喊

森美與太太陳雅嫻（Veronica）眨下眼就已經結婚十多年，雖然他在幕前一向鮮有提及家庭事，連個人社交平台都沒有太太的影子。就算沒有網上曬恩愛放閃光都好，其實透過森美平時幕前說過的話，就會知道他骨子裏很愛他太太的。日前播出的《森美旅遊團》，森美就少有地在幕前講到太太，仲流下咗男兒淚添。

《森美旅行團》這次就是森美帶着黃心穎「泛舟」東京的河上，日落時竟然幸運地看見雙彩虹。這時森美就說：「同心儀另一半，唔冧就假。」「點解我唔係馬明？」而心穎亦附和說：「點解我唔係森美嫂？」可能此情此景實在太浪漫，令到森美想起以前的種種挫折以及低潮期太太支持。森美有感而發：「感覺好感動。我覺得如果個一刻係同太太嚟嘅話，我會好開心。我心入面諗，我下次再同太太嚟嘅時候，我會唔會見得返個日落呢？如果我見得返個日落，又未必見到個彩虹喎。所以我覺得，愛情原來有時候要對方唔喺你身邊，你先覺得需要佢。」

想不到平時熒幕前成日嬉皮笑臉的森美都有脆弱的一刻，說起太太時又會有柔情一面。2人結婚17年，一定經歷過不少風風雨雨。而森美同咁多靚女去旅遊時，見到靚景都會想起太太。一個人可以這麼的顧家又掛念老婆，真係一個好男人。