【晚吹 】鄒凱光爆醉酒斷片奇遇：飲醉咗會去買車買樓

飲醉酒，相信好多人都會試過。就算未試過，亦總會見證過身邊朋友飲醉。無論大小場合都總會有人飲醉。酒醉之後，會安靜睡覺的還好，最怕就是遇到斷片之後醉酒鬧事的人。昨晚（10月21日）的ViuTV節目《晚吹 - 男人講嘢》中，鄒凱光, 薛晉寧 , 駱振偉等3位就講到各種各樣醉酒行徑。

節目中鄒凱光（灘叔）講到自己的「第一次」醉酒經歷，灘叔他表示年輕時出席了一位前輩的婚宴。「有位前輩見我醉醉地嘅時候，啪一聲放低杯酒俾我。我以為係啤酒，咁咪飲囉。原來係威士忌，就一口飲咗落去。本身已經醉，但係唔知，一撞咗個烈酒之後...總之last個句就係『威士忌幾好飲喎。』之後就冇咗畫面。」灘叔他飲醉之後再有下一個畫面的時候就是在卡拉OK房內。「我隱約聽到之前灌我飲酒嘅前輩話，『唔使理佢，咁大個人咪俾佢試飲醉囉。』之後又聽到一把女聲話，『佢可能發酒寒』。跟住嗰個前輩就除咗佢件名牌西裝俾我。」

當時因為鄒凱光嘔吐大作，就嘔在了這一件前輩的名牌西裝上。他說：「下一個畫面就係喺屋企醒咗，阿媽不斷同人講sorry。」原來鄒凱光給屋邨惹了不少麻煩。「我由升降機門開始，大約有10個單位，一條血路咁，『湯』到屋企門口。」之後，因為那位強迫他飲酒的前輩整件西裝都是嘔吐物，該位前輩更要他陪錢，而還非常「貼心」地為他計劃了分期6個月償還。

不過要講現今社會最常遇到的醉酒情況就當然是酒吧，男女之間情頭意合就少不必。不過鄒凱光就語重心長的說：「我諗你冇試過真正照顧過飲醉咗嘅人，如果你有試過，你就會發一個誓，『我以後唔會照顧飲醉酒嘅人，尤其是係女仔』大家以往飲醉酒嘅女仔可以『執』佢返去，又可以『執』佢。唔好咁天真啦。女性本身已經唔係易handle，飲醉酒嘅女性你又點會handle到？」

鄒凱光接著更分享了一個親身經歷。他有一次與朋友出外飲酒，而朋友的妻子事前千叮萬囑鄒凱光要看著他。「佢原來飲醉酒會不停有新諗法，不停有嘢想買。佢老婆同我講屋企架車就係佢上次飲醉酒買。到嗰次我同佢飲酒，10點幾佢竟然call架車去西貢睇樓。佢仲call咗個地產經紀想買樓。」事件的之後就是，鄒凱光拉著他的朋友上車回家。鄒凱光：「嗰層樓好似1700萬。我返到去同阿嫂講：『阿嫂，我救咗妳一命。』」