張曦雯被林敏驄不停性騷擾　女神死忍：佢今次算錫住我！

林敏驄上禮拜剛舉行了作品展演唱會，雖然中間發生意外，但總算完滿結束。今日阿驄出席車展活動時遇上美女張曦雯（Kelly）做主持，又再次發揮風流本領「撩女仔」，當Kelly表示最喜歡新車有USB傳輸位置，阿驄當眾調戲Kelly：「乜你鍾意畀人插架？坐喺架車度前又插得後又插得。」Kelly急忙解釋她是插USB，阿驄繼續開黃腔：「咁要變性先得喇。」到Kelly介紹新車車廂特別寬敞，阿驄又突然話：「最啱車震，你哋兩個一齊上埋車都得。」現場的大家真的聽得一額汗，Kelly顯得一臉尷尬。

平常縱橫主持界的Kelly 得知嘉賓是阿驄，個心都離一離，她說：「都知驄哥好多爆肚嘅野，驚自己會接唔到，有少少緊張，但佢今次都算錫住我，冇乜接唔到或者太過份嘅野嘢，佢都已經對我好好。」Kelly就大方表示不介意阿驄開自己玩笑，理解他是為了現場氣氛，「我冇嬲佢啊，我知佢不嬲都係咁，佢講笑話都係為咗現場氣氛，想搞笑，所以唔會嬲佢。」

事後阿驄就話：「我都冇撩女仔，通常都係佢哋撩我多。」剛做完作品展的他表示要休息一下，未來會不會再開作品展，大師就話要隨緣，如果紅館有期的話可以考慮一下。有份參與拍攝電影《西謊極落之太爆太子太空艙》快將上映，阿驄最近忙於奔波在拍攝電影之中，未來會否再有大師新的填詞作品呢，他瀟灑回應：「睇吓點啦。」