【海量圖】十級難諗題：張曦雯VS朱智賢　女機神對零死角點揀好？

古語有云：「魚與熊掌，不可兼得。」咁揀女朋友呢？如果有兩個靚女，質素已屬女神級別，同時出現在你眼前，又會否唔知點揀？今次女神大擂台就有近期聲名大噪的真打機﹒女神26歲張曦雯，還有做《千奇隊百趣特工隊》的零死角30歲朱智賢。雖然聽落好似「大纜都扯唔埋」，因為張曦雯外形野性，甚具超模feel，而朱智賢就比較成熟，甚有古典味道；但大家都是選美出身，受歡迎程度也不相伯仲，如果真心要揀其中一個做女朋友，兩人各有所長，隨時又要出動法官大人！或者睇完呢篇文，會諗到答案。

華姐冠軍 VS 港姐

張曦雯小學就隨家人去美國讀書，2011年在芝加哥參加當地選美，並嬴得冠軍。其後代表芝加哥參加2012年國際中華小姐，跟住好威威地攞得次冠軍，更成為第一個代表芝加哥的冠軍佳麗，傾城程度可想而知都幾勁；至於朱智賢的選美生涯就較為崎嶇，她2012年曾參加過港姐，但就未能入圍初賽，之後她再接再厲，翌年再次參加港姐，成功入到20強。就係咁，兩人都因為選美而入行，TVB從此多了幾個靚女。

品味人生 VS 佻皮輕鬆

驟眼一望，張曦雯與朱智賢所走的路線都截然不同。就TVB角度而言，張曦雯似足鬼妹仔，說話談吐都會有中英夾雜，加上一頭長捲髮，讓人覺得她很高貴。所以她入行以來所主持的節目，大多與生活品味有關，例如：《港生活·港享受》、《有種品味叫米蘭》，以及為人熟悉的《Pearl Tonight》，睇住張曦雯食西餐、嘆紅酒，覺得她好有生活態度。至於朱智賢所主持的節目的類型都較為廣泛，有《千奇百趣特工隊》、《觸得到的故宮》，還有最出名的《三日兩夜》！想睇朱智賢佻皮？有！斯斯文文？都有！仲有健康性感？統統都有呀！

居家 VS 動感

張曦雯近期人氣急升，早前她在網上平台「twitch」開名為「kellycheung」的帳戶，直播自己打機，大玩恐怖槍game。架起黑色粗框的她，身穿家居服爆粗打機，好感度激增，完全顛覆大家對她有「高攀不起」的印象。除了打機，張曦雯還透露日常生活熱愛廚食，遲下會考慮拍片教大家煮西餐，她果然是「入得廚房，出得廳堂」，可以陪到男友在家裡宅，夫復何求？另一邊廂，朱智賢相對外向一點，大家都知她有一條超長腿，加上身型高䠷，擁有趨之若騖的曲線，源自於她日常有空檔便會做運動，練練空中瑜珈，還會到處行山，親親大自然。有人話：「識揀女朋友一定會揀個會行山。」這點，朱智賢又會否加分呢？

看完之後，是否覺得更加難揀？如果是的話，還是繼續睇圖算吧！