飛常日誌｜郭柏妍未入行前任機場品質控制員：檢查飛機餐有冇異物

郭柏妍（Rosita）今日（25/9）現身香港國際機場出席無綫新劇《飛常日誌》開鏡儀式。Rosita透露在新劇中飾演一名中央控制中心實習行政人員，令她回想起未入行前在機場某間航空公司擔任品質控制員，確保航機上所提供的食物要安全及符合衛生標準：「好多時我哋都會檢查飛機餐會唔會有異物，例如頭髮同昆蟲咁，不過好多時都係會見到有呢啲咁嘅情況。如果飛機上淨咗冇人要嘅嘅飛機餐，通常都會棄置，因為食物嘅安全係會有個時間點，當去到嗰個時限就會唔要得。（當時有冇想做空姐？）其實都有諗過做空姐，不過當時因為唔捨得離開屋企人，咁所以冇去投考，你知做空姐要經常飛嚟飛去，你要我見唔到佢哋，我又唔得，始終屋企人係好重要。」