蘇可欣變富貴女友下年約滿無綫 想做返空姐：有咁嘅念頭
撰文：吳子生
出版：更新：
《娛樂新聞台》女主持蘇可欣（Eunice）自2020公開與圈外有米男友Geo戀情之後，已逐漸減少幕前工作，專心做富貴女友，不時在社交平台大曬名牌手袋，更經常歐遊，盡顯富貴生活。有傳她已疊埋心水準備隨時嫁人，約滿無綫便不再續約，正式過富貴少奶奶生活。
Eunice今日（25/9）現身香港國際機場出席無綫新劇《飛常日誌》開鏡儀式。就事件接受《香港01》訪問時表示：「其實嫁呢樣嘢呢，我就冇咁快嘅，因為我冇計劃話要幾時，因為我有好多嘢想做。不過大家就唔使太過擔心住，因為我啱啱轉咗3字，已經30歲啦。（而家過富貴生活！）咁梗係唔係啦，大家而家見我喺度就知我要做啦！（係咪約滿唔再續約？）其實我下年先約滿，到時再諗，而我一直以來都有一個念頭，就係做返空姐，因為飛嘅時候好開心同埋好自由，咁所以我唔排除我會返去做空姐。」