馬國明爆湯洛雯詐型 勒令唔准講婚期：話我之前透露得太多
撰文：吳子生
出版：更新：
馬國明今日（25/9）現身香港國際機場出席無綫新劇《飛常日誌》開鏡儀式。對於臨急被徵召開拍有關機場的新劇，令他與湯洛雯的婚禮事宜陣腳大亂，馬國明受訪訪時表示：「其實就冇影響到我哋嘅婚期嘅，而我哋嘅婚禮係如常去做嘅，而公司佢哋都好好，佢哋係會遷就我之前攞咗嘅假，同埋會遷就我籌備婚禮上嘅其他嘅事務，變咗有時收工之後我就會比較趕啲咁去處理，但實際上都冇乜點影響到，一切都好順利。」
被問到婚期大日子?馬明笑言：「其實日子就定咗，但想知就問阿湯啦，因為阿湯話我之前透露得太多，叫我唔准講，費事搞到冇晒神秘感，咁所以你哋都係問佢啦，只要阿湯話講得，就講得啦。因為我要講之前，我係要同佢申請，等佢批我先講得㗎。不過我諗適當嘅時候我哋都會話話畀大家知嘅。」