【不懂撒嬌的女人】唔幫劇組Saving 王浩信：嗰個西瓜我提議買！
撰文：林通賢
出版：更新：
無綫拍劇一向給人「慳皮」的感覺，尤其道具，一看就知製作成本好低，但《不懂撒嬌的女人》終於令人改觀。昨晚王浩信對著唐詩詠自彈自唱《陪著你走》當然感人，但更搶鏡的是那個巨型西瓜，劇中唐詩詠為了考驗王浩信，set了一條西瓜難題，她對王浩信說：「食完飯、我想食西瓜，我格咗價，果盤28蚊、半個38蚊，一個58蚊，你幫我揀啦。」最後王浩信買了一個日本超級西瓜，令唐詩詠好感動！場戲昨晚一出，網友都覺得個西瓜好正，好巨型，原來是王浩信提議。
珍寶西瓜夠驚喜 唐詩詠真反應
王浩信看了劇本後，他覺得如果西瓜異常巨型，一定好有戲劇效果，於是提議劇組買日本珍寶大西瓜，他說：「原先係一個比平時大嘅西瓜，但我覺得如果再特別啲會好好多，我覺得細節好重要，我知道有日本珍寶大西瓜，我就send咗張相畀監製，咁監製見到張相即刻話買。」相信昨晚有看的觀眾，反應應該和唐詩詠一樣，覺得好驚訝，但原來詩詠的反應是真實的，不是戲來。王浩信續說：「詩詠知我哋買咗一個大西瓜，但佢唔知係點,，佢亦叫劇組一定唔好畀佢知，佢希望拍到個真實反應，所以尋晚大家見到嘅係佢嘅真實反應。」
不過這個日本珍寶大西瓜，一點都不平，劇組在樂富UNY䐟買價值1999元，比原先已買了的100蚊西瓜貴了1900元，對無綫來說真的好大突破了，肯使錢落道具，不再是是旦旦，監製關樹明亦表示物有所值，他說：「個西瓜係王浩信提議嘅，我覺得出嚟效果一定好正，就算成二千蚊，我都覺得值得買。」
雖然場戲好成功，至於這個made in japan的西瓜下場......監製說：「我哋拍完大家都好開心，想即刻食，但發覺原來普通嘅西瓜刀係切唔到㗎，所以我哋影哂相，之後擺埋咗一邊.....」據劇組透露，珍寶大西瓜的命運是擺到爛咗。
+5