【不懂撒嬌的女人】唐詩詠唔check男友電話 ：男友要嚟錫唔係對付
撰文：林通賢
出版：更新：
《不懂撒嬌的女人》除了賤Han（黎諾懿飾）出色外，飾演Cherry的唐詩詠，在劇中被賤Han的花心折磨，亦令網友看得心痛。其實唐詩詠在巴打心目中一直是完美女友的代表，那現實中唐詩詠會怎樣對付賤男呢？她接受《香港01》訪問時說：「其實知道對方不是自己要的人，就緊係走為上策，（偷食一次得唔得？）一次都唔得，結咗婚就唔同處理，始終每段感情經歷嘅事都唔同，好難只用一種方法去處理，（即係結咗婚，偷食都可以？） 要睇情況。」結婚和不結婚原來這麼大分別？不過每個人心目中把尺都不同，至少這個是唐詩詠真心答案。
除了說對付賤男，唐詩詠亦說了她的愛情哲學，對於男人北上容易有二奶或小三，她就覺得其實邊到都危險，她說：「男人係香港都危險，香港一樣有好多主動嘅人，地區唔係重點，男人的思維先係，（check男友電話、facebook有冇用？）冇用，男友係要嚟錫，唔係對付，唔需要要花時間喺未發生嘅事，將自己變成更好的人先重要。（即係妳冇check洪永城電話？）呢個私事，唔答，但一旦check咗，感情就冇喇，雙方都有刺，除非想分手，（咦!其實妳答咗我喎…） I didn’t。」
劇中唐詩詠和「馬壯」拍拖4年，更一齊供樓兩年，令唐詩詠不知怎麼辦，但現實中唐詩詠覺得忠誠比任何事都更重要，她說：「因為一層樓而畀次機會？梗係唔得啦，層樓係身外物，但嗰個人嘅心都唔喺度，點會為嗰死物而咁樣呢？我就會賣咗層樓分咗錢佢，無眼屎乾淨盲，唔好同呢個人有任何關係。」看完唐詩詠對愛情的看法後，相信完美女友依然是連任。