【不懂撒嬌的女人】香港係A Cup之城？　馬壯：我老婆已經唔係啦

TVB首套4K實景劇《不懂撒嬌的女人》播了兩集，劇中有多條感情線，不過黎諾懿與唐詩詠這一對就率先game over。兩人在工作公司所屬部門本來是敵對的，但拍拖4年，一直相安無事，直至唐詩詠到內衣店買bra遇上北方佳麗白雲用身材公然挑機，後來白雲開大免提大聲講電話，拆穿對方正是男友黎諾懿，意外地得知對方偷食。唐詩詠本來一直啞忍，後來發現所謂男友，只不過向自己套料求名利，最終要爆喊忍痛斬纜。

講到斬纜，唐詩詠與黎諾懿昨晚在機場的分手戲就引起了迴響。唐詩詠雖然流淚，但語氣節奏都拿捏得很準確，該大聲就大聲，要啜泣就啱時間。至於黎諾懿呢？對白上其實都幾mean，口頭上就話願意同唐詩詠供樓供兩年，仲唔係諗住同佢過世？但轉頭再加多句：「你過多幾年就做高齡產婦。」當事人聽完即刻會崩潰，不少觀眾睇完覺得黎諾懿做得很到位，由「神之馬壯」變成「世紀賤男」。這場鬧交戲，網民都大讚好寫實，有女士不禁感嘆：「現實中真係有好多呢啲人！」

賤男Hanson撩女仔失魂備忘錄

黎諾懿接受《香港01》訪問時表示，今次決定做賤男是刻意的，「都冇得唔轉型啦，冇理由一直都活喺神之馬壯之中。」有不少網民聽到Hanson那句「你過多幾年就做高齡產婦㗎啦」高呼真係好賤，黎諾懿聽罷笑說：「係衰嘅，但係事實呀嘛！Hanson份人就比較可愛囉，說話不怎麼修飾，大家聽落可能會覺得『有冇搞錯呀！』，但就是想話畀大家知，現實確是有這樣的人，有好多女仔呻男朋友對自己不好，這些事真的是正在圍繞自己，是好寫實。」黎諾懿其後就有溫馨提示，與唐詩詠的關係並不會就咁完，加上各種撩女仔場面會愈來愈爆，如他所說：「只會不斷向上。」講緊什麼向上，自己思考一下吧。