公益金｜孔德賢年幼打熱線捐出零用錢最深刻：等自己個名出現
撰文：吳子生
出版：更新：
孔德賢（Danny) 今日（29/5）現身尖沙咀出席《萬眾同心公益金》記者會。Danny透露為公益金擔任外景主持，同時當晚亦會在2廠擔任司儀負責睇住捐款數字，並呼籲大家踴躍捐款：「其實諗返起以前細個嘅時候，每逢有大型電視慈善籌款，我同家姐都會打電話去捐錢，因為捐咗錢之後，電視畫面下方會有顯示捐款人姓名，我就同家姐就會呢股衝動打去捐錢，係將自己零用錢捐出。但每次捐完之後，我哋都會喺電視機面前望住等自己個名出現，但好多時候係等到天荒地老都見唔到自己個名出現，到最後失望而回。」