王丹妮為長髮角色不停搽營養素：希望啲頭髮生得快啲

王丹妮今晚（25/5）現身尖沙咀出席藝術展覽活動。王丹妮透露前排日日埋頭苦幹開工拍戲，日前終於煞科可以鬆一口氣，接住可以放一個悠長假期陪屋企人：「其實呢套戲係好神秘，暫時我係不便向外透露住，但大家可以睇到我嘅髮型好短啦，同埋咁清爽，就知我係配合埋嗰個嘅角色嘅。」

她續說：「不過我又幾鍾意短頭髮，好配合我本身男仔頭嘅性格爽朗啲，咁但係之後我要拍劇，我又要變返長髮，變咗而家我要積極搽啲營養素，同埋洗多啲頭，希望啲頭髮可以生得快啲，不過我仲有幾個用時間可以變髮成功嘅。」