蔡淇俊突然鼻樑勁高撞樣始源 內地十幾間米線店因疫情全結業
撰文：吳子生
出版：更新：
前無綫藝人蔡淇俊2014年約滿無綫後，便北上發展，更進軍飲食界開5間米線店及火鍋店做老闆，搞到有聲有色。今晚（26/5）蔡淇俊現身將軍澳電視城出席無綫節目《思家大戰》錄影，他受訪時表示：「其實而家我冇搞米線店同火鍋店啦，最高峰米線店係有成十間咁多，因為咁啱疫情同做得辛苦，所以之後冇做，而家只係做咖啡店，相比搞食嘅舒服得多，同簡單得好多，冇咁辛苦。」
對於有無綫藝人大爆在內地工作十日，相等在無綫工作一年的人工。蔡淇俊表示：「咁我又唔知喎，可能合約唔同啦，但我就未體驗到，所以唔知道。不過據我所知，香港藝人喺內地拍劇個價錢係好少少，但而家內地競爭都好大，因為而家都通關，市場開放咗，個個都返內地拍嘢，變咗機會係會多啲。」