香港AV女優素海霖獲電影公司招手拍戲：有周星馳同梁朝偉就最好

成為首位土生土長的香港AV女優的素海霖（Erena）今日（19/5）現身荃灣為健康產品拍攝廣告。素海霖表示自從投身日本AV界打響名堂之後工作量倍增，連電影公司亦埋身傾合作機會：「其實我都好想喺香港市場度發展，我係唔介意拍三級片，不過我都要睇劇本同對手，但如果有我心目中嘅男神周星馳同梁朝偉就最好，佢哋又唔使話一定要赤裸，有着衫都Ok嘅。」

此外，素海霖為自己定下拍AV3年時間表，完成後便會抽身離開日本AV界：「其實以最高等級嘅AV女優，一年就唔會出太多AV作品，佢哋可能一年會出12部，但我自己個人嚟講，我會拍8至12部作品，希望可以搵夠錢喺香港置業。」

素海霖希望在日本AV界有長期發展，問到她會否對性失去興趣，她說:「我反而要求多咗，因為食得好嘢多，就想食得更好，唔會無啦啦唔食嘢㗎，我遇見嘅嘢唔同咗，或者更加好玩嘅時候，可能要求另一半，做到相同或者更多嘅嘢」

不過素海霖表示與家人關係依然沒有改善，她說:「屋企人其實一定知道，因為咁多新聞，除非佢完全唔玩電話，唔睇電視，暫時都係無聯絡嘅，新聞一出就無聯絡，我亦都無主動揾佢哋，(點解唔主動揾佢哋?)因為我覺得佢哋需要時間消化，(妳覺得佢哋暫時未接受到?)正常都唔會接受到，因為日本咁多人口，AV女優呢個職業咁普及都好，佢哋嘅父母都未必接受，更何況全香港得我一個，亦都係全香港人都識我。(幾時揾返屋企人?)我覺得順其自然，親朋戚友可能係表弟揾過我，(揾嚟簽名?)都係講你加油啦!」