法言人｜阮嘉敏難忘首播當天極速狂奔百米返家睇劇：用上全身氣力
撰文：吳子生
出版：更新：
阮嘉敏（Mandy）昨日（17/5）現身尖沙咀出席無綫劇集《法言人》慰勞宴。提到無綫最近公布《法言人》上周五播出大結局，當晚最高收視22.1點(142萬觀眾) 連升 4周，收視報捷。她受訪時開心表示：「其實呢套劇第一日播嘅時候，我係第一時間咁跑住返屋企睇，因為之前我成日都會追問監製套劇幾時播，當得知嗰日會播我係緊張到落完車，我係用上我全身氣力極速狂奔百幾咪咁跑住返去，好彩及時趕到。而我知道好多人問會唔會拍第2輯，其實之前我哋一大班演員齊睇大結局當晚，已經有意無意之間，喺家豪哥面前講笑話可以開續集囉，但家豪哥佢笑而不答，搞到我哋滿懷希望，希望到時家豪哥會再開拍啦！」