逆天奇案2｜郭柏妍演小三與鄭俊弘搞婚外情：同自己性格好唔同
撰文：吳子生
出版：更新：
郭柏妍（Rosita）今日（16/5）現身將軍澳電視城出席無綫新劇《逆天奇案2》造型記者會。Rosita透露在劇中飾演一名小三，與人夫鄭俊弘搞婚外情：「本身我喺劇入面嘅角色係做保險，就係因為工作關係搭上咗鄭俊弘，同佢搞曖昧關係，最後搞到佢同佢老婆婚變。其實演呢個角色都有啲難道，因為同自己本身嘅性格好唔同，不過呢個角色都幾特別，因為會有唔同嘅心路歷程，而且喺劇入面同鄭俊弘少不免都會有親熱鏡頭，但相信唔會有尷尬場面出現，始終佢俾我嘅感覺係好似一位哥哥咁。」