【聯合航空】杜汶澤爆航空公司亂賣機位 fb鬧：我訂咗位喎！
航空公司為求賺取最大利潤，超賣機位時有發生，不過昨晚美國聯合航空因超賣機位引發出一連串風波。美國聯合航空有指為了安排4名航空公司職員上機，因而要求4位乘客下機。不過一位華裔男乘客被航空公司要求離開機艙期間，慘遭粗暴對待，頭破血流。杜汶澤今日在facebook亦分享因航空公司超賣機位的親身經歷，直指︰「點解因為飛行成本高，就可以一千個位賣千幾張機票呢？點解比咗錢都唔等於飛到呢？究竟係咩 logic乜嘢法律可以咁保障航空公司呢？係咪全世界都咁呢？」
阿澤解釋當年和助手出埠工幹，當時打算辨理check-in手續，但地勤人員卻表示因為航班超賣，而導致阿澤和助手未能登機。阿澤寫出與地勤的對話︰「咁尾寶（助手）咪比張 e ticket 比佢囉⋯⋯地勤：係，你係訂咗位，不過我地爆左喇，所以你上唔到機喇！我同尾寶異口同聲大叫：係咪真咖（㗎）？」阿澤當時亦明言︰「咁麻煩你同個製片講有件咁嘅事，今日拍唔到嘞，你話你肯賠，咁就 ok 啦！咁我就返去瞓嘞吓！」他們即時通知製片該消息，製片當時在電話與地勤溝通，「隱若聽到電話裡面傳來鏗鏘響亮嘅粗口聲」。地勤隨即聯絡同事，最後航空公司竟然表示︰「杜先生！我搵到個位比你呀！」阿澤當時理直氣壯指出︰「「搵到」個位比我？我訂咗咖（㗎）！」他直斥航空公司的銷售手法，他們估計當時航空公司請求「九成九搵到第二個好蝦d（啲）嘅乘客」下機，阿澤與助手才能出發拍攝。
阿澤直言世上有好多不公平的事，但往往「有錢人」而獲得與別不同的待遇，「大富豪會答你，係呀！細佬，所以我自己有飛機囉，你唔鍾意搭的士你都買車啦！」當時與一同前往工作他的助手亦留言描述當時情況，當時阿澤的金句「咩搵到啊!!! 個位本身係我地㗎!!!!!!」不少網民都留言投訴航空公司為了做生意，罔顧乘客利益，「真心唔明此不良生意手法點解冇法管」！