麥晧兒哭訴被收音師非禮 貝依霖同情對方遭遇：當下要捉住佢先
撰文：吳子生
出版：更新：
無綫女藝人麥晧兒日前在社交網上發文控訴在拍攝TVB新劇《下流上車族》時疑遭外判收音師非禮。事件曝光後，無綫勒令徹查事件。事件主角收音師劉健明今日（3/6）終向外發出聲明，反擊麥皓兒的無理指控，更指若事件交由警方處理，自己願意配合調查。
貝依霖（Chantale）今晚（3/6）現身觀塘海濱公園出席活動時表示：「其實我好多時拍嘢嘅時候，如果要裝無線咪喺衫入面嘅時候，我都唔會假手於人。除非有啲位置我整唔到，我就會搵返女助手幫我夾咗先。講真我真係未遇過未問過我先就掂我，通常出手都係搞我膊頭。」
Chantale續指：「其實如果呢件事發生係我身上，我覺得當下要捉住佢先，即刻同其他人停一停，就唔好事後先處理。因為事後先處理係好難，係會冇人會見到，到時就會口同鼻拗。最好就係即場大叫，等其他人知道發生咩事。」