胡美貽拍遊戲節目頭破血流入醫　方力申被指罪魁禍首：冇人預期到

方力申（小方）今日（31/5）現身旺角出席藝術展覽揭幕禮。提到日前有指他在拍攝遊戲節目時，因一時貪玩令胡美貽頭破血流受傷入院。小方受訪時堅稱是一場意外，絕非蓄意傷害對方：「首先唔係我整親佢個頭，亦到冇推佢啦，而大家都睇到閉路電視確實係一場意外。記得當時我哋喺遊戲尾聲嘅時候，係要拍一個大懲罰，而我係唔需要受大懲罰嘅時候，我係攞咗個懲罰道具鬼口水出嚟玩，其實係玩嘅時候，好多人都冇預期到或希望到會發生意外嘅。」

小方續指鑒於意外發生時接近凌晨，便即時透過朋友聯絡私家醫院，安排當晚最好的整容醫生為她治療：「我知道佢傷口都幾深，需要縫10針咁多。而事後我為劇組先俾6萬幾蚊嘅醫療費用先。因為樂小姐叫我不如俾晒先，到時等佢哋公司搞晒勞保嘅事之後會俾返我。而我好希望胡美貽可早日康復。」

點擊下圖睇胡美貽新相同埋其他靚相︰