好友麥晧兒疑遭收音師非禮 黃智雯：溝通好重要
撰文：吳子生
出版：更新：
黃智雯（Mandy）今晚（1/6）現身葵青劇院出席第三十屆香港舞台劇獎頒獎禮。提到同屆落選港姐麥晧兒日前在網上發文控訴遭劇集外判收音師非禮，事件驚動無綫高層，並勒令嚴肅跟進處理。
Mandy表示：「其實我自己就未試過好似佢咁樣嘅遭遇，因為好多時都係服裝姐姐幫我整，好少會有男嘅幫我。不過我就覺得尤其係女演員，如果遇到咁嘅情況有唔舒服，我覺得第一時間就要同對方溝通，因為溝通係好重要。有時對方可能唔知道嘅情況下，就會以為係Ok，唔知會觸碰到你一啲敏感嘅位置，咁可能連佢都未必知道。咁所以有唔舒服就要第一時間表達，向對方講清楚自己處理。（會否抗拒男士幫手？）哈哈！如果揀按摩師我係會揀女仔囉，因為我怕痕。」