【3日2夜．多圖】林泳淘陳偉琪張曦雯網友力捧 6大女主持上位
TVB旅遊節目《3日2夜》自播出以來反應不俗，更由第一輯添食到第二輯。節目深受年輕人歡迎，主要原因就是觀眾愛睇靚景，但絕對沒有那麼簡單！靚景始終要配靚人，才可以看得津津樂道，所以《3日2夜》主持每次都是重點（主持着泳衣部分更是必睇兼cap圖位）。早前講過節目近期加入新面孔，例如鄺潔楹被網民激讚好「Girlfriendable」，但好嘢點止咁少？這個節目都令不少女主持人氣彈起，大多數都是選過港姐的滄海遺珠，網民睇到都好似發現新大陸，不禁講句：「原來有咁高質嘅港姐㗎！」不用多口水了，就為大家精選一下《3日2夜》的優質靚女主持。
朱智賢
不講不知，原來朱智賢是2013年的落選港姐。2013年可算是人才輩出，光是頭3甲：陳凱琳、蔡思貝及劉佩玥，都是TVB近幾年熱捧的花旦。而朱智賢入行之後，一直都做演員及娛樂新聞台主播，但自從《3日2夜》出街之後，網民都對朱智賢另眼相看！因咩事？睇相你咪知囉！
張秀文
係人都知，張秀文係2010年港姐亞軍，但一向以來劇集方面都沒有特別多產出，主持節目居多。而每次她主持的旅遊節目，可能深知甚麼必睇位，所以浸溫泉、落海游水都是指定動作。她主持《3日2夜》當然不會待薄大家。
林泳淘
2012港姐年有幾多滄海遺珠？Sorry，我諗真係答你唔到，但一定答到你，林泳淘係其中一個。之前已經拍過旅遊節目《情迷越南》，與同屆港姐陳潔玲做拍檔，兩人的青春活力感染力強，已經有好多人鐘意，直到《3日2夜》林泳淘Solo，更加不得了。有不少網民喜歡她夠傻氣，「講句嘢尷尷尬尬咁，好得意！」
陳偉琪
早前爆出曾為溫哥華市長在選舉助選，兼疑似與前男友民主黨成員吳永輝的色情照片而聲名大噪的陳偉琪，其實是2013年的落選港姐。打開籃球的她，身材都好似都好似佢興趣咁，所以在《3日2夜》節目中，在首爾著住泳裝玩水玩到大家「嘩嘩聲」。
范文雅
可能大家對佢會比較陌生，但佢係2010年度墨爾本華裔小姐冠軍嚟㗎！她在《3日2夜》裏玩轉海陸空，雖然討論度不及其他女主持高，但外形都散發一種獨有氣質，好似公主走到現實世界咁。
張曦雯
最後又怎少得張曦雯？早前她到馬爾代夫拍攝《3日2夜》時，自己率先放上一輯着住泳衣坐遊艇的照片，本來身型高䠷的她，又有長腿又有曲線，身為女仔望見都有少少想流鼻血。