【台慶綵排】張秀文再跳肚皮舞挑戰性感底線：應該會好震撼！

台慶星期六便到， 26位新舊港姐包括馮盈盈、麥明詩、陳凱琳、張秀文等昨晚在電視城綵排跳舞環節，無綫安排其中20個在記者面前展示舞姿，可能由於綵排時間不足，麥明詩、王君馨等舞步略嫌未夠齊，而張秀文則預告她有另一個更有睇頭的表演。

張秀文透露她與高海寧及陳煒將在台慶夜大跳性感肚皮舞，更興奮地說：「應該會好震撼！個個都係有料之人，老師又借咗成萬蚊一套嘅衫出嚟，行出嚟嘩目不暇給呀！」她又說不怕被高海寧搶鏡，因為各自身材比例各有優點，觀眾會好滿足。而首次參加台慶的應屆港姐馮盈盈，除了跳舞還要負責合唱部分，她說比跳舞更具挑戰性：「唱歌好難，跳舞初時都緊張，但練咗幾次氣氛都幾開心，啲師姐又有經驗會教下我。」

而麥明詩今年已第二年台慶表演，她表示：「愈來愈習慣呢種模式。其實我喺深圳拍緊《使徒行者》，所以都緊迫，聽日都返深圳。」對於剛才有點未夠熟練，麥明詩則笑說：「我頭先留力啫！我腦入面跳得晒嘅？手腳未跳晒啫。」遲來的簡淑兒(Jessica)要負責唱歌及跳舞兩部分，以為對於組合「少女標本」成員的她來說駕輕就熟，但她竟然撒嬌地說：「因為時間唔夠，組合嗰邊下星期有新歌出，仲係快歌，變咗我兩邊都要排舞，兼要拍劇，每日瞓3個鐘咋！依家膝頭仲好痛。」