萬千星輝賀台慶｜王菲排舞趕進度似追火箭 　古佩玲忘記準備戰衣

上屆港姐亞軍王菲和季軍古佩玲（Kelly)今日（9/11）現身將軍澳電視城出席《萬千星輝賀台慶》項目採排。王菲表示：「今日我就係第一日嚟排舞，因為前一日練舞嘅時候同拍攝工作撞咗期，咁所以去唔到，咁今日第一日練嘅時候，就有少少追火箭咁嘅情況，所以一嚟就要學晒所有步驟，就變咗有少少手忙腳亂。」

提到台慶盛事即將舉行，戰衣準備如何？Kelly恍然大悟話：「我唔記得咗，因為掛住練舞，我真係唔記得咗戰衣呢件事。咁唯有今日要開始要諗啦！」