【木棘証人】韋家雄苦等三十年先有嘴戲 笑指娛樂圈好黑暗

羅子溢和韋家雄今日（9/11）現身將軍澳電視城出席無綫劇集《木棘証人》宣傳造勢活動。提到二人首次合作笑位百出，成功備受視迷喜愛。羅子溢笑言：「其實我哋合作都係一種緣份，又可以話我哋係相逢恨晚。當然家雄哥經驗比我好，而且我又好鍾意睇以前嘅電視劇，所以同佢好傾得埋，而且拍起上嚟好有默契。」

而韋家雄講到同張文慈在劇中不乏親熱場面，還笑指自己苦等三十年終嘗接吻戲，「都唔明點解等咗咁耐先有，真係有冇搞錯，咁所以我覺得呢個圈真係好黑暗。其實之前我都有拍過嘴戲嘅，不過嗰場我係強拍嘅，但最後冇需要都剪走咗。」