【法證先鋒IV】黃浩然爆有粉絲睇完決定唔棄養：重燃返對生命希望

黃浩然今天（12日）出席《法證先鋒IV》的宣傳活動，在台上宣傳劇集之餘，他透露近日收到有一位觀眾給他的訊息令他很感動，更覺得做演員真的可以用生命影響生命。在接受《香港01》訪問時候，他說：「劇入面有一個案件，就係黎燕珊同楊潮凱一個母子嘅感人故事。咁有一個粉絲私信我哋，佢本身有一個自閉症嘅小朋友，都係一個單親媽媽。佢都好想放棄呢個小朋友，我明白照顧方面係好艱難。睇完呢個單元之後，佢重燃返對生命希望，點辛苦都好，都要同囝仔行落去。咁我哋演戲之餘，俾娛樂觀眾，都希望俾正能量觀眾。睇完呢個case之後，生命影響生命真係好緊要。每人一小步都會幫到好多人。」

浩然演戲多年，以演員身份演過不同角色，他笑言在拍攝劇集《拳王》時候已經在影響別人：「當時候真係做運動同打拳，出到街之後問返身邊開拳館朋友，佢哋話真係多咗好多人嚟打拳。我覺得好多我哋粉絲都會搵我哋做榜樣，所以無論拍嘅作品都希望有一個訊息俾觀眾。」