【新冠肺炎】黃美棋餐廳生意下趺三成：希望捱得過

糖妹與黃美棋今天（11日）出席《娛樂大家10點半》節目錄影，二人笑言對期待已久：「一睇就知我哋爛玩啦，咁今日有新遊戲玩都幾刺激。現場見到元老級余德丞個啲，真係好奸，丁子朗就純到爆。」

兩個小人族聚在一起，大家會很自然聯想到第三名小人族鄺潔楹（Judy）在那裡，糖妹說：「因為今日唔係拍《學是學非》，所以冇出現。（好耐冇見？）完全冇見過，新年之後就冇見過。原本我哋係新年之後拍第二輯《美食一條街》，但各種原因就要延期。」

新冠疫情令香港飲食業受創，美棋也有經營餐廳，她直言是受了影響，不過不算大的影響：「堂食係差咗，但外賣生意反而多咗。總結營業額趺咗三成。我有落去了解下，希望捱得過。（有冇咩方法解決問題？）其實冇，但我哋心態係守多，呢個時勢一定守多。學糖妹講，做好自己餐廳成品質素，因為我都有落去鞭策下廚師。」