鄧佩儀突然轉性感風 擔心受網民打擊：其實我今次唔算sexy啦
撰文：賴家杰
出版：更新：
鄧佩儀（Gloria）昨天（11日）出席《娛樂大家10點30》，對於玩遊戲Gloria表示不是她強項：「其實我嚟過三次，頭一次好有信心會估到所有問題，第二次都覺得自己會贏。但第三次就已經冇信心，不過希望過程會令大家開心。」
最近Gloria在IG及發布穿著歐美性感風格的靚相，引起一眾網友留意，覺得與她平時乖乖女的風格完全不一樣，Gloria對此也很意外：「我有啲驚訝大家反應咁大，因為我呢輯相係朋友有新品牌，所以我想幫下佢。但我發覺大家完全唔慣我歐美風，大家留言令我少少驚訝，會問我係咪受打擊。其實我唔算sexy啦今次，但我都有啲驚喜大家今次反應。」
Gloria對於自己性感一面，其實是覺得可以的，她說：「健康性感我OK，因為我選美都著泳裝，我諗冇咩衣著性感得過泳裝，如果性感過泳裝我就接受唔到，呢個係底線。」