【新冠肺炎】李焯寧到確診屋邨派口罩 為行動不便長者送心意
撰文：吳子生
出版：更新：
藝人李焯寧（Karen）今日（6/3）以慈善之星身份與苗圃行動及國藝娛樂義工到長沙灣元州邨上門義派口罩等防疫物資。焯寧表示：「好開心能夠成為義工嘅一份子，今次不同之處係我哋會上門逐戶派十個口罩、搓手液、米、按摩膏等其他物資畀公公婆婆，因爲佢哋本身行動唔方便，唔想佢哋排隊咁辛苦，所以上門派畀佢哋，希望可以為公公婆婆送上一點心意同關懷。」
提到元州邨有確診個案，問上門派口罩會否擔心近距離接觸？她說：「其實我哋唔係去確診嗰座，而且做好防疫措施，唔會入屋亦冇身體接觸，帶口罩手套，好注意雙手消毒所以唔怕。」
問一直單身的她有否被家人催婚？焯寧坦言：「媽咪最近成日叫我快啲嫁，我話首先畀個人嚟，其實而家都好想拍拖，但係咁嘅情況下又點出去識人？我為咗慳口罩，一星期只出門幾個鐘去超市囤貨，邊有可能識到新朋友，而家出得嚟都係生死之交簽咗生死狀，男朋友我諗要等疫情過咗先搵到，但有一個好處係多咗時間陪家人。」
【法證先鋒IV】劇情需要戴黑超 黃浩然被囝囝笑：你扮有型呀？【法證先鋒IV】親熱戲男友睇眼冤 陳煒：唔想睇到，咪唔好睇【學是疫學非】何依婷獲益良多 提高抗疫意識：搞到好有潔癖【3日2夜】傅嘉莉派泳照福利 被網民彈太密實：你哋好高要求呀！